» » უეფამ „ბავარიასთან“ დაკავშირებით საქმე აღძრა

უეფამ „ბავარიასთან“ დაკავშირებით საქმე აღძრა

24-ნოე-2017, 05:30
0264
უეფამ „ბავარიასთან“ დაკავშირებით საქმე აღძრა, რომლის გულშემატკივრებიც მოედამზე ყალბ კუპიურებს ისროდნენ.

უეფამ დისციპლინარული საქმე აღძრა, ჩემპიონთა ლიგის, ჯგუფური ეტაპის მე-5 ტურის „ანდერლეხტი“ – „ბავარია“ (1:2) მატჩის შემდეგ, რომელიც ბრიუსელში 22 ნოემბერს შედგა.

„ბავარიას“ ბრალდებები წაუყენეს, გულშემატკივრების მხრიდან მოედანზე უცხო ნივთების სროლისა და სტუმართა ტრიბუნაზე გამოფენილი აკრძალული ბანერისათვის.

საქმეს 7 დეკემბერს, უეფას დისციპლინის საკონტროლო და ეთიკის ინსტანციები განიხილავენ, გვაცნობებს ორგანიზაციის ოფიციალური საიტი.

შეგახსენებთ, რომ „ბავარიის“ გულშემატკივრებმა მოედანზე მატჩის მიმდინარეობისას ყალბი კუპიურები ისროლეს და ამით უკმაყოფილება გამოხატეს ბილეთების მაღალ ფასებთან დაკავშირებით. 1 ბილეთის ფასი სტუმართა სექტორში 100 ევროს აღწევდა. ამის გარდა გულშემატკივრებმა ბანერი გამოფინეს წარწერით - „საბოლოოდ კმაყოფილები ხართ თქვენი სიძუნწით?“
1

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..