» » პავარი "ბაიერნის" რიგებში მის შესაძლო ტრანსფერს გამოეხმაურა

პავარი "ბაიერნის" რიგებში მის შესაძლო ტრანსფერს გამოეხმაურა

5-09-2018, 10:09 -ss- სიახლეები 0

პავარი
საფრანგეთის ეროვნული ნაკრებისა და საფეხბურთო კლუბ "შტუტგარტის" უკანახაზელმა ბენჟამინ პავარმა, უარყო გავრცელებული ხმები იმის შესახებ, რომ მასსა და "რეკორდმაისტერს" შორის გარკვეული შეთანხმება არსებობს. შეგახსენებთ, პრესაში გავრცელდა ინფორმაცია, რომ თითქოს 22 წლის ფეხბურთელმა "ბავარიელებთან" კონტრაქტი შეათანხმა, რომელიც ძალაში მიმდინარე სეზონის ბოლოს შევა, როდესაც ამოქმედდება ოფიცია 35 მილიონი ევროს სანაცვლოდ, ხსენებული მცველის შესყიდვის შესაძლებლობის თაობაზე.

"ბავარიასთან" არანაირ შეთანხმებაზე ხელი არ მომიწერია. ეს ყველაფერი ჟურნალისტების ფანტაზიებია"-ლაკონურად განაცხადა პავარმა გამოცემა L’Equipe-სთან მიცემულ ინტერვიუში.

ბენჟამინ პავარის ტრანსფერით დაინტერესებულნი არიან შემდეგი კლუბები: "ლივერპული", "ტოტენჰემი", "პარი სენ-ჟერმენი" და მადრიდის "ატლეტიკო". გასულ საფეხბურთო სეზონში ხსენებულმა მცველმა 34 მატჩი ჩაატარა "შტუტგარტის" შემადგენლობაში და ერთი გატანილი გოლითაც გამოირჩა. გარდა ამისა, საფრანგეთის ეროვნული ნაკრების რიგებში მის მიერ გატანილი გოლი "არგენტინის" წინააღმდეგ, რუსეთში გამართული მსოფლიო ჩემპიონატის საუკეთესო გოლად აღიარეს.
2

წყარო:

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..