სამწუხაროა! გერმანიის ჩემპიონატის ბოლო ტურში, მიუნხენის "ბაიერნმა" თავისი პირველი საშინაო მარცხი იწვნია საფეხბურთო კლუბ "შტუტგარტისაგან". "ძალიან არასასიამოვნო მარცხი ვიგემეთ. კარგი თამაშის დემონსტრირება გვსურდა, თუნდაც ჩვენი მთავარი მწვრთნელის გამო."-აღნიშნავდა ბავარიელთა კიპერი სვენ ულრაიხი, ხსენებული მატჩის დასრულების შემდგომ.
ოთხშაბათს პირველი ოფიციალური შეხვედრა შედგა „ბავარიასა“ და ახალ პრემიერ-მინისტრ მარკუს ზიოდერს შორის, რომელიც ამ პოსტზე ამა წლის მარტში დაინიშნა. ბავარიის სახელმწიფო კანცელარიაში საზეიმო მიღების ფარგლებში, პრემიერ-მინისტრმა გერმანიის რეკორდმაისტერის მიღწევები აღნიშნა. „6-ჯერ ზედიზედ ჩემპიონობა მხოლოდ ერთ კლუბს შეუძლია და ეს „ბავარიაა“. თქვენ ახალ მასშტაბებს განსაზღვრავთ, ისევე როგორც ნაციონალურ, ასევე საერთაშორისო დონეზე“.
იოშუა კიმიხი, მიმდინარე საფეხბურთო სეზონში, ძირითადი თერთმეტეულის შეუცვლელ წევრად ჩამოყალიბდა. მან ბუნდესლიგის ეგიდით გამართულ 28 შეხვედრაში მიიღო მონაწილეობა, 25 მათგანში კი სასტარტო შემადგენლობაში გახლდათ წარმოდგენილი. 23 წლის ფეხბურთელის ანგარიშზე 13 შედეგიანი გადაცემაა აღნიშნული, რაც "რეკორდმაისტერის" რიგებში, თომას მიულერის შემდეგ საუკეთესო მაჩვენებლად ითვლება. გარდა ამისა, კიმიხი გამოირჩევა გატანილი გოლებითაც. მისი მონაგარი 6 გოლს შეადგენს, საიდანაც 4 უეფას ჩემპიონთა ლიგის ტურნირზეა დაფიქსირებული.
„ბავარიამ“ თავის პარტნიორ კომპანია ადიდასთან ერთად დღეს მიუნხენში ახალი 2018/19 წლის სეზონის საშინაო ფორმა წარადგინა. გუნდი კვლავინდებურად მოედანზე კლასიკური წითელი ფორმით გამოვა, მაგრამ უკვე გადაკეთებული დიზაინით.
წარმოუდგენელი სეივი გერმანიის თასის ნახევარფინალში კარიმ ბელარაბის დარტყმის შემდეგ, სუპერგადარჩენა ჰანოვერში ტიმო ჰიუბერსის გასროლის შემდეგ, როდესაც ტაბლოზე 0:0 ანგარიში ფიქსირდებოდა, - ეს მხოლოდ 2 მაგალითია სვენ ულრაიხის დიდებული მოქმედებების აპრილში.
მიუნხენის "ბაიერნის" კარის დარაჯი სვენ ულრაიხი, ჟურნალისტებთან მიცემულ ინტერვიუში აცხადებს, რომ მზად არის გერმანიის თასის ფინალურ ორთაბრძოლაში, სათადარიგო სკამზე გადაინაცვლოს და ძირითად თერთმტეულში კუთვნილი ადგილი, ახლად მომჯობინებულ მანუელ ნოიერს დაუთმოს. ფეხბურთელის თქმით, იგი მთავარი მწვრთნელის მიერ მიღებულ ნებისმიერ გადაწყვეტილებას პატივს სცემს.
იანვარ-თებერვალში „ბორდოს“ ბრაზილიელ შემტევ ნახევარმცველ მალკომ ფილიპე სილვა დე ოლივეირას აქტიურად უკავშირებდნენ „ბავარიას“, იყო ლაპარაკი იმაზეც, რომ გერმანული მხარე ფეხბურთელის აგენტთან აქტიურ მოლაპარაკებებს აწარმოებდა. მისით დაინტერესება იუპ ჰაინკსმაც დაადასტურა და აღნიშნა, რომ ბავარიის სპორტული დირექტორის ჰასან სალიხამიჯიჩის გეგმებში არა-ერთი მაღალი დონის ფეხბურთელია მოქცეული.
პაულ ბრაიტნერმა, რომელსაც მსოფლიო ჩემპიონატის 2 ფინალში აქვს გატანილი გოლი, მოგებული აქვს ჩემპიონთა თასი და გერმანიასა და ესპანეთში „ბავარიასთან“ და „რეალთან“ ჩემპიონატების გამარჯვებულია, სასტიკად გააკრიტიკა „ბავარიის“ პოლონელი ფორვარდი რობერტ ლევანდოვსკი.
სეზონის ბოლო გასვლითი მატჩი ბავარიელთათვის წარმატებული აღმოჩნდა. გერმანიის "რეკორდმაისტერმა" კიოლნში ადგილობრივ გუნდს 1-3 სძლია და საკუთარ მონაგარს მორიგი სამი ქულა შემატა. მიუნხენელებისთვის ხსენებული შეხვედრა ადვილი გასეირნება არ ყოფლა, რადგანაც სულ რამდენიმე დღის წინ მათ უმძიმესი ორთაბრძოლა ჰქონდათ გამართული მადრიდის "რეალის" წინააღმდეგ. მიუხედავად აღნიშნულისა იუპ ჰაინკესი საკუთარი გუნდის თამაშით კმაყოფილი დარჩა.
მიუნხენის "ბაიერნის" ოფიციალური ვებ-გვერდი სასიხარულო ინფორმაციას ავრცელებს კინგსლი კომანთან დაკავშირებით. როგორც ირკვევა, ფრანგი ლეგიონერი მწვანე საფარზე მუშაობას უკვე შეუდგა. "იგი ბურთთან ერთად ვარჯიშობს, ყველაფერი კარგად მიდის. ვნახოთ როგორი იქნება გუნდთან ერთად მისი ვარჯიში. გერმანიის თასის ფინალურ ორთაბრძოლაში, შესაძლოა იგი განაცხადშიც კი მოხვდეს"-აცხადებს ბავარიელთა დამრიგებელი.
