მანჩესტერ "სიტის" შემტევი ლეროი სანე, მიუნხენის "ბაიერნის" ინტერესის სფეროში მოექცა. ამის შესახებ ინფორმაციას ავტორიტეტული გერმანული გამოცემა Kicker-ი ავრცელებს. ზემოაღნიშნული გამოცემის მტკიცებით გერმანული გრანდი სანეს შეძენას ზაფხულის სატრანსფერო პერიოდში შეეცდება. შესაძლო გარიგების ხელშემწყობ ფაქტორად, ასევე სახელდება პეპ გვარდიოლასა და "რეკორდმაისტერის" ხელმძღვანელობას შორის არსებული კარგი ურთიერთობა. რაც შეეხება თავად ფეხბურთელს, იგი მხოლოდ ორ ვარიანტზე ფიქრობს: დარჩენას მანჩესტერულ კლუბში ან ასპარეზობას "ბავარიაში"-აღნიშნავს Kicker.

მიუნხენის "ბაიერნის" მთავარი მწვრთნელი ნიკო კოვაჩი, რომელიც 18 მაისს გერმანიის ჩემპიონობას ზეიმობდა, ჟურნალისტებთან მიცემულ ინტერვიუში კლუბის ვეტერანი ვინგერების შესახებაც აკეთებს კომენტარს. კოვაჩის განცხადებით, ფრანკ რიბერი და არიენ რობენი იმსახურებდნენ იმას, რაც ხსენებულ საღამოს ვიხილეთ.

მან კვლავ შეძლო ეს! ზედიზედ მეოთხედ, რობერტ ლევანდოვსკი ბუნდესლიგის საუკეთესო სნაიპერია. გატანილი 22 გოლით, ლევიმ უკან ჩამოიტოვა უახლოესი მდევარი პაკო ალკასარი, რომლის აქტივშიც 18 გოლი იყო დაფიქსირებული. "აინტრახტთან" გამართული მატჩის დასრულების შემდეგ, პოლონელმა მოიერიშემ, ჟურნალ kicker -ის წარმომადგენლისაგან "ბომბარდირის ზარბაზანი" მიიღო საჩუქრად.

ფრანკფურტის აინტრახტთან გამართული დაპირისპირება განსაკუთრებული იყო, მიუნხენის "ბაიერნის" ორი ლეგენდარული ფეხბურთელისათვის. ფრანკ რიბერი და არიენ რობენი უკანასკნელ მატჩს ატარებდნენ "ალიანც არენაზე".

მიუნხენის "ბაიერნის" მთავარი მწვრთნელი ნიკო კოვაჩი, ფრანკფურტის აიტრახტთან მოპოვებული გამარჯვების შემდეგ, ჟურნალისტებთან მიცემულ ინტერვიუში ემოციებს ვერ მალავდა და აღნიშნავდა, რმ ეს უბედნიერესი წუთები იყო მის ცხოვრებაში. ხსენებული გამარჯვებით მიუნხენის "ბაიერნმა" ზედიზედ მეშვიდედ მოახერხა გერმანიის ჩემპიონატის მოგება.

მიუნხენის "ბაიერნის" მთავარი მწვრთნელი ნიკო კოვაჩი, ფრანკფურტის "აინტრახტთან" მოახლოებული დაპირისპირების შესახებ საუბრობს. გერმანიის ჩემპიონატის ბოლო ტურში "ბავარიელები" საკუთარ კედლებში ასპარეზობენ და როგორც ხორვატი სპეციალისტი აღნიშნავს, გააკეთებენ ყველაფერს რათა, მორიგი ჩემპიონობა იზეიმონ.

მიუნხენის "ბაიერნის" ბრაზილიელი ლეგიონერი რაფინია, მიმდინარე სეზონის დასრულების შემდეგ "რეკორდმაისტერს" დაემშვიდობება. ფეხბურთელი, რომელიც 2011 წლიდან ასპარეზობს "ბავარიაში" აცხადებს, რომ მას დაუვიწყარი შთაბეჭდილებები მიაქვს მიუნხენური გრანდიდან.

მიუნხენის "ბაიერნის" მთავარი მწვრთნელი ნიკო კოვაჩი, შესაძლოა საკუთარ თანამდებობას მიმდინარე სეზონის დასასრულს დაემშვიდობოს. როგორც გერმანული გამოცემა Bild იტყობინება, მის შემცვლელად მარკ ვან ბომელი მოიაზრება, რომელიც მანამდე "პსვ ეინდჰოვენის" თავკაცის რანგში გვევლინებოდა. 42 წლის სპეციალისტი მიუნხენის "ბაიერნში" 2006-2011 წლებში ასპარეზობდა, ამ დროის მანძილზე მან ორჯერ იზეიმა ბუნდესლიგის ჩემპიონობა და ამავე დროს გახდა ნაციონალური თასის მფლობელიც.

მიუნხენის "ბაიერნის" პოლონელი გოლიადორი რობერტ ლევანდოვსკი, ჟურნალისტებთან მიცემულ ინტერვიუში ბუნდესლიგის მიმდინარე სეზონზე საუბრობს. მისი განცხადებით, წლევანდელი ჩემპიონატი განსაკუთრებულია, რადგან გამარჯვებულის ვინაობა ბოლო ტურამდე გაურკვევლად რჩება.

მიუნხენის "ბაიერნის" პრეზიდენტი ული ჰიონესი, გერმანიის ჩემპიონატის 33-ე ტურის ეგიდით, "ლაიპციგსა" და "რეკორდმაისტერს" შორის გამართულ დაპირისპირებაზე საუბრობს. ჰიონესი უკმაყოფილებას არ მალავს მსაჯის მიერ მიღებული გადაწყვეტილების თაობაზე და აღნიშნავს, რომ არბიტრებმა სამართლიანად გატანილი გოლი - უსამართლოდ გააუქმეს.