ფრანც ბეკენბაუერს ვულოცავთ დაბადების დღეს! მიუნხენის "ბაიერნის" საპატიო პრეზიდენტი, სამშაბათს 11 სექტემბერს 73 წლის გახდა. კაიზერი ქალაქ მიუნხენში 1945 წლის 11 სექტემბერს დაიბადა და მთელი ცხოვრების განმავლობაში დაკავშირებული იყო "ბაიერნთან". არცერთ სხვა ფეხბურთელს, ისეთი გავლენა არ ჰქონია, ამ კლუბზე როგორც ბეკენბაუერს. კაიზერი გახდა მსოფლიო ჩემპიონი, როგორც ფეხბურთელის, ისე მთავარი მწვრთნელის რანგში.

მიუნხენის "ბაიერნის" ცენტრალური მცველი მატს ჰუმელსი, გერმანულ საინფორმაციო გამოცემა Die Welt-თან მიცემულ ინტერვიუში, როტაციის პრინციპის შესახებ საუბრობს და აღნიშნავს, რომ იგი აუცილებელიც კი არის შემდგომი წარმატებების მოსაპოვებლად.

გერმანიის ეროვნული ნაკრებისა და საფეხბურთო კლუბ "პარი სენ-ჟერმენის" ნახევარმცველი იულიან დრაქსლერი, ჟურნალისტებთან მიცემულ ინტერვიუში, მიუნხენის "ბაიერნის" შესახებ საუბრობს. 24 წლის ფეხბურთელის განცხადებით, მას მიუნხენური კლუბის წარმომადგენლებთან არანაირი საუბარი არ ჰქონია და ამ ყველაფერს მორიგი ჭორები უწოდა.

ხუთშაბათს უეფას ერთა ლიგამ სტარტი აიღო.
უეფას ახალი შეჯიბრის ამხანაგური მატჩების დიდ ნაწილს სატურნირო მნიშვნელობა მიენიჭება, ნაკრებებს შესაძლებლობა ექნებათ თანაბარი ძალების მეტოქეებს დაუპირისპირდნენ. 4 ჯგუფის გამარჯვებულები 2019 წლის ივნისში ფინალურ სტადიაში ითამაშებენ. დანარჩენები კი კლასის ამაღლებისთვის იბრძოლებენ და 2020 წლის ევროზე გასვლის შესაძლებლობა მიეცემათ.

სანაკრებო პაუზის დასრულების შემდეგ, "ბაიერნს" წინ არც თუ ისე ადვილი თვე ელოდება. სექტემბერში ბავარიელებმა, უკვე გამართეს ერთი შეხვედრა "შტუტგარტის" წინააღმდეგ. "რეკორდმაისტერმა" გასვლაზე ანგარიშით 0-3 იმარჯვა. გთავაზობთ მიუნხენის "ბაიერნის" სექტემბრის თვის განრიგს.

გერმანული სპორტული გამოცემა sportbild მიუნხენის ბაიერნის სამ გამორჩეულ ტალანტზე ახალწვეულ ლეონ გორეცკაზე, რეკორდმაისტერის აღზრდილ დავიდ ალაბასა და ლაიფციგიდან გადმოსულ იოშუა კიმიხზე საინტერესო სტატიას გვთავაზობს.

მანჩესტერ სიტის შემტევმა ნახევრმცველმა, ლეროი სანემ გერმანიის ეროვნული ნაკრები დატოვა და იგი პერუს წინააღმდეგ ამხანაგურ მატჩში ეროვნულ ნაკრებთან ერთად მონაწილეობას ვერ მიიღებს, რომელიც 9 სექტემბერს გაიმართება, იუწყება გერმანიის პრესსამსახური twitter-ის ოფიციალურ გვერდზე.

კიდევ ერთხელ დაიხარჯო მაქსიმალურად და ამის შემდეგ მოიპოვო დამსახურებული დასვენება. პარასკევს დილით, ამგვარი დევიზით გამოვიდნენ "ბავარიელები" სავარჯიშოდ. მომდევნო სამი დღე ნიკო კოვაჩმა უქმეებად გამოაცხადა. ის რომ გუნდმა ეს დაიმსახურა ეჭვს არ ბადებს. ბავარიელთა დამრიგებელმა, პარასკევს თავის ფეხბურთელებს ინტენსიური პროგრამა მოუმზადა , რომელიც დიდი რაოდენობით სპრინტებს შეიცავდა. ფეხბურთელებმა არც სათამაშო სავარჯიშოებს აუარეს გვერდი. მაღალი დატვირთვის მიუხედავად, მინდორზე ამაღლებული განწყობა სუფევდა.

გერმანიის ეროვნული ნაკრების მცველი ანტონიო რუდიგერი, სოციალურ ქსელ twitter-ის მეშვეობით, თავის ფრანგ კოლეგას ბენჟამინ პავარს, გუშინ მომხდარი ინციდენტის გამო ბოდიშს უხდის. შეგახსენებთ, ერთა ლიგის ეგიდით "ალიანც არენაზე" გამართულ მატჩში, სადაც ერთმანეთს გერმანიისა და საფრანგეთის ეროვნული გუნდები უპირისპირდებოდნენ, რუდიგერმა ერთ-ერთ ეპიზოდში მძიმე დაზიანება მიაყენა 22 წლის უკანახაზელს.

გერმანიის ეროვნული ნაკრების მთავარი მწვრთნელი იოაჰიმ ლიოვი, ჟურნალისტებთან მიცემულ ინტერვიუში, ბუნდესნაკრების ყოფილი ფეხბურთელის მესუთ ოზილის შესახებ საუბრობს. 58 წლის სპეციალისტი აღნიშნავს, რომ გულდაწყვეტილია მესუთის პიროვნული მახასიათებლებით, თუმცა მზად არის, საჭიროების შემთხვევაში ინიციატივა კვლავ თავის თავზე აიღოს.