ფრანგულმა საფეხბურთო კლუბმა "პარი სენ-ჟერმენმა", მიუნხენის "ბაიერნის" ცენტრალურ მცველთან შეთანხმებას მიაღწია. ამის შესახებ ინფორმაციას გამოცემა Le Parisien-ი ავრცელებს. წყაროს მტკიცებით, პირადი კონტრაქტის დეტალებზე კონსესუსი შედგა და ახლა ჯერი კლუბებს შორის მოლაპარაკებაზეა. გავრცელებული ინფორმაციის თანახმად, პარიზული გუნდის ხელმძღვანელობა მზად არის ჟერომ ბოატენგის ტრანსფერისათვის - 35 მილიონი ევრო გაიღოს.
მიუნხენის "ბაიერნის" საყრდენი ნახევარმცველი არტურო ვიდალი, მილანის "ინტერში" გადადის. როგორც ჩანს ჩილელი ფეხბურთელი ახლოს არის სერია -A -ში დაბრუნებასთან. იტალიური მედიის ინფორმაციით "ბაიერნმა" "ინტერს" მწვანე შუქი აუნთო და მილანურ კლუბს არტუროს შეძენის უფლება მისცა. შეგახსენებთ, 31 წლის ნახევარმცველს "ბავარიასთან" კონტრაქტი 1 წლის შემდეგ ეწურება.
მიუნხენის "ბაიერნის" აღმასრულებელი საბჭოს თავმჯდომარე კარლ-ჰაინც რუმენიგე, ინტერნეტ-გამოცემა Goal-თან მიცემულ ინტერვიუში, პარი სენ-ჟერმენის რიგებში ჟერომ ბოატენგის შესაძლო ტრანსფერთან დაკავშირებით, ჟურნალისტის მიერ დასმულ შეკითხვას პასუხობს და აღნიშნავს, რომ ხსენებული მოლაპარაკებათა პროცესი, ჯერ მხოლოდ საწყის სტადიაზეა.
მიუნხენის "ბაიერნის" გულშემატკივრებისათვის საინტერესო სიახლეს ავრცელებს ცნობილი სპორტული გამოცემა Kicker-ი. წყაროს თქმით, ინგლისური საფეხბურთო კლუბი მანჩესტერ "იუნაიტედი" დაინტერესებულია, "ბავარიელთა" ცენტრალური მცველის ჟერომ ბოატენგის ტრანსფერით და უახლოეს მომავალში ბრიტანელები კონკრეტული წინადადების გაჟღერებასაც გეგმავენ.
ცნობილი გერმანული გამოცემა "BILD"-ი იუწყება, რომ ჩილელი ნახევარმცველის ყიდვით დაინტერესებულია იტალიური კლუბი, კერძოდ კი მილანის "ინტერი" . "ბაიერნის" 31 წლის საყრდენის სანაცვლოდ "ნერაძური" 20 მილიონს იხდის, თუმცა ეს თანხა მიუღებელია გერმანიის "რეკორდმაისტერისათვის" და მინიმუმ 10 მილიონით მეტს ითხოვს -ამტკიცებს ზემოხსენებული წყარო.
როგორც გამოცემა The Independent-ი იუწყება, ინგლისური საფეხბურთო გრანდი მანჩესტერ "იუნაიტედი", მომავალ კვირას მიუნხენის "ბაიერნს" კონკრეტული სატრანსფერო წინადადებით მიმართავს. წყაროს თქმით, ინგლისელები დაინტერესებულნი არიან, საკუთარი რიგები ერთდროულად ორი "ბავარიელით" შეივსონ. რობერტ ლევანდოვსკი და ტიაგო ალკანტარა "წითელი ეშმაკების" მთავარ სამიზნეებად სახელდებიან.
მიუნხენის "ბაიერნის" შემტევი ნახევარმცველი კინგსლი კომანი, ლონდონის "არსენალის" სამიზნე ხდება. ამის შესახებ ინფორმაციას ინტერნეტ-გამოცემა BeIN Sports-ი ავრცელებს. წყაროს თქმით, "მეთოფეები" მზად არიან მიუნხენური კლუბის მესვეურებს, აღნიშნული ტრანსფერის განხორციელებისათვის, მსუყე წინადადებით მიმართონ.
გერმანიის ეროვნული ნაკრებისა და მიუნხენის "ბაიერნის" ცენტრალური მცველი ჟერომ ბოატენგი, ფრანგული საფეხბურთო კლუბის, "პარი სენ-ჟერმენის" ინტერესის სფეროში მოექცა. ამის შესახებ ინფორმაციას ინტერნეტ-გამოცემა Culture PSG-ი ავრცელებს. წყაროს თქმით, პარიზელები მზად არიან, ხსენებული ტრანსფერის განსახორციელებლად 35 მილიონი ევრო გაიღონ, ხოლო თავად ფეხბურთელს, წლიური ხელფასის სახით 8 მილიონი ევრო დაუნიშნონ.
ცნობილი გერმანული გამოცემა "Kicker" იუწყება, რომ მიუნხენის "ბაიერნმა" შეთანხმებას მიაღწია ბენჟამინ პავარისთან. გავრცელებული ინფორმაციის თანახმად, 22 წლის ნიჭიერი ფრანგი ფეხბურთელი, გუნდს 2019 წელს შეუერთდება. სახელდება კონკრეტული თანხაც, როგორც აღნიშნული წყარო იტყობინება, "რეკორდმაისტერი" ხსენებული ტრანსფერის განსახორციელებლად მზად არის 35 მილიონი ევრო გადაიხადოს.
მიუნხენურმა კლუბმა 20 წლის ვინგერში 60 მილიონიანი შეთავაზება გაუკეთა ლევერკუზენის „ბაიერს“, იუწყება ESPN, მოლაპარაკებებთან ახლოს მყოფ პირზე დაყრდნობით.
უკან 1 2 3 4 5 6 7 8 9 10 ... 33 წინ