"ბავარიამ" ახალი საშინაო ფორმა წარადგინა

ტრადიციულად წლის ამ პერიოდში „ბავარია“ მომავალი სეზონის თავის ახალ საშინაო ფორმას წარადგენს ხოლმე. 2016/17 წლის სეზონის ახალ ფორმას 70-იან წლებში გადავყავართ, როდესაც „ბავარიამ“ უამრავი ნაციონალური და საერთაშორისო ტიტულები მოიპოვა და საფუძველი ჩაუყარა მსოფლიო აღიარებას.

„მე გამიმართლა, რომ იმის შანსი მომეცა, 1977 წელს იმ სეზონის კომპლექტი მეტარებინა, - გამოეხმაურა ახალი კომპლექტის წარდგენას „ბავარიის“ აღმასრულებელი საბჭოს თავმჯდომარე კარლ-ჰაინც რუმენიგე. „ეს კომპლექტი სიმბოლურად დიდი ეპოქის დასაწყისია. „ბავარიამ“ ამ კომპლექტში მოიგო პირველად ევროპის ჩემპიონთა თასი. ასევე, გერმანიის ჩემპიონატი და ამ გუნდის უდიდესი ნაწილი ასევე, მსოფლიოს ჩემპიონები გახდნენ 1974 წელს“, - გაიხსენა კლუბის პრეზიდენტმა ული ჰიონესმა თავისი წარმატებული წლები.

ახალ საშინაო ფორმას ტრადიციულ ბავარიულ წითელ ფერზე გამოკვეთილი თეთრი ზოლები დაყვება, ასევე თეთრი ზოლებითაა გაწყობილი სახელოებიც. „ბაიერნის“ დევიზი - 'Mia san Mia' - ასევე დატანებულია მაისურის საყელოზე. კომპლექტი ისტორიითაა გაჯერებული, თანამედროვე ფუნქციონალური შესაძლებლობების დამატებით, რომელიც ჰაერგამტარი მატერიის გამო, ფეხბურთელებსა და გულშემატკივრებს მაქსიმალურ კომფორტს ჰპირდება. კომპლექტში შედის წითელი შორტები და წითელი წინდები.

„ჩვენ უნდა კომფორტულად ვიგრძნოთ თავი კომპლექტში. გარკვეული კავშირი უნდა ჰქონდეს კლუბთან და კარგად უნდა გრძნობდე თავს მასში“, - კომენტარი გააკეთა თომას მიულერმა, იმის ხაზგასმით, თუ რა არის მისთვის მნიშვნელოვანი კომპლექტში. რეტროსპექტიული ელემენტები კი, კომპლექტის შემადგენელი ნაწილია. „ეს აშკარად გაფიქრებინებს ჩემპიონატის 3 ტიტულზე, მსგავსად გერდ მიულერისა, ფრანც ბეკენბაუერის, ული ჰიონესისა და კარლ-ჰაინც რუმენიგესი“, - დასძინა მიულერმა.

ახალი კომპლექტი თავის პირველ გამოსვლას „ალიანც არენაზე“ შეძლებს, შაბათს სეზონის ფინალურ მატჩში „ფრაიბურგთან“.