მანჩესტერ "იუნაიტედის" ყოფილი ფეხბურთელი ენდი კოული, რობრტ ლევანდოვსკის და პაოლო დიბალას შესაძლო ტრანსფერთან დაკავშრებით, საკუთარ პოზიციას აფიქსირებს. ვეტერანი შემტევის განცხადებით, მანჩესტერული კლუბი საკუთარ ტრადიციას არ უღალატებს და ფსონს სწორედ ცენტრ-ფორვარდის დამატებაზე ჩამოვა.

დორტმუნდის "ბორუსიას" აღმასრულებელი დირექტორი ჰანს-იოაჰიმ ვატცკე ჟურნალისტებთან საუბრის დროს აღნიშნავს, რომ მისი გუნდისთვის უმნიშვნელოვანესი ამოცანაა, მიუნხენის "ბაიერნთან" კონკურენციის რეჟიმში იყოს შესული.

მიუნხენის "ბაიერნის" უკანახაზელი იოზუა კიმიხი, ჟურნალისტებთან მიცემულ ინტერვიუში ტიმო ვერნერის შესახებ საუბრობს. კიმიხმა ხსენებული ფეხბურთელის მიმართ საქებარი სიტყვები არ დაიშურა და აღნიშნა, რომ იგი ნებისმიერ გუნდს მხოლოდ გააძლიერებდა.

მიუნხენის "ბაიერნი" ლეროი სანეს ტრანსფერთან დაკავშირებით, მანჩესტერ "სიტის" ხელმძღვანელობასთან შესაბამის მოლაპარაკებებს აწარმოებს. ამის შესახებ ინფორმაციას გამოცემა The Guardian ავრცელებს. წყაროს მტკიცებით "რეკორდმაისტერის" ბოსებმა, 23 წლის ფეხბურთელის სანაცვლოდ 79,5 მილიონი ევროს შეთავაზება გააკეთეს, რაც 70 მილიონი ფუნტი-სტერლინგის ტოლფასია.

მიუნხენის "ბაიერნის" პოლონელი შემტევი რობერტ ლევანდოვსკი, გერმანულ საინფორმაციო გამოცემა Bild -თან მიცემულ ინტერვიუში, ლეროი სანეს შესახებ საუბრობს. ლევანდოვსკის განცხადებით სანე უმაღლესი კლასის ფეხბურთელია, რომელსაც შესანიშნავი სპორტული მახასიათებლები გააჩნია და აქვს შესაბამისი რესურსი იმისათვის, რომ გუნდი ახალ დონეზე აიყვანოს.

მიუნხენის "ბაიერნის" ცენტრალურმა მცველმა ჟერომ ბოატენგმა შესაძლოა ასპარეზობა იტალიაში განაგრძოს. ამის შესახებ ინფორმაციას გამოცემა Football Italia იტყობინება, რომელსაც წყაროდ ცნობილი გერმანული პორტალი Bild მოყავს.

2018/2019 წლის საფეხბურთო სეზონი დასრულდა და მიუნხენის "ბაიერნმა" ზედიზედ მეშვიდედ მოიპოვა გერმანიის ჩემპიონის ტიტული. დორტმუნდის "ბორუსია" რომელიც მთელი წლის განმავლობაში უშეღავათო პაექრობაში იყო შესული, მხოლოდ მეორე ადგილს დასჯერდა. "შავ-ყვითელთა" ბანაკის წარმომადგენლები მომავლის იმედს არ კარგავენ და აცხადებენ, რომ მათი გუნდი შემდეგ სეზონში მხოლოდ ჩემპიონობისთვის იბრძოლებს.

მანჩესტერ "სიტის" შემტევი ლეროი სანე, მიუნხენის "ბაიერნის" ინტერესის სფეროში მოექცა. ამის შესახებ ინფორმაციას ავტორიტეტული გერმანული გამოცემა Kicker-ი ავრცელებს. ზემოაღნიშნული გამოცემის მტკიცებით გერმანული გრანდი სანეს შეძენას ზაფხულის სატრანსფერო პერიოდში შეეცდება. შესაძლო გარიგების ხელშემწყობ ფაქტორად, ასევე სახელდება პეპ გვარდიოლასა და "რეკორდმაისტერის" ხელმძღვანელობას შორის არსებული კარგი ურთიერთობა. რაც შეეხება თავად ფეხბურთელს, იგი მხოლოდ ორ ვარიანტზე ფიქრობს: დარჩენას მანჩესტერულ კლუბში ან ასპარეზობას "ბავარიაში"-აღნიშნავს Kicker.

მიუნხენის "ბაიერნის" მთავარი მწვრთნელი ნიკო კოვაჩი, რომელიც 18 მაისს გერმანიის ჩემპიონობას ზეიმობდა, ჟურნალისტებთან მიცემულ ინტერვიუში კლუბის ვეტერანი ვინგერების შესახებაც აკეთებს კომენტარს. კოვაჩის განცხადებით, ფრანკ რიბერი და არიენ რობენი იმსახურებდნენ იმას, რაც ხსენებულ საღამოს ვიხილეთ.

მან კვლავ შეძლო ეს! ზედიზედ მეოთხედ, რობერტ ლევანდოვსკი ბუნდესლიგის საუკეთესო სნაიპერია. გატანილი 22 გოლით, ლევიმ უკან ჩამოიტოვა უახლოესი მდევარი პაკო ალკასარი, რომლის აქტივშიც 18 გოლი იყო დაფიქსირებული. "აინტრახტთან" გამართული მატჩის დასრულების შემდეგ, პოლონელმა მოიერიშემ, ჟურნალ kicker -ის წარმომადგენლისაგან "ბომბარდირის ზარბაზანი" მიიღო საჩუქრად.