FCB: რეკორდული სეზონი ციფრებში

ზედიზედ ხუთი ვერცხლის სინი - ეს არის უნიკალური მიღწევა რომელიც ბუნდესლიგის ისტორიაში არცერთ გუნდს არ ჰქონია მანამ სანამ 2017 წელს მიუნხენის ბაიერნმა ისტორიაში რიგით 27-ე და ზედიზედ მეხუთე თასი არ აღმართა.

ბავარიული კლუბის ოფიციალური ვებ-გვერდი კი ამ რეკორდულ თარიღთან დაკავშირებით საკმაოდ საინტერესო სტატიას გვთავაზობს რომელშიც წელს დამყარებული რეკორდებია ჩამოთვლილი.

გუნდური რეკორდები:

0-პირველად უკანასკნელი 9 წლის განმავლობაში, ბაიერნმა მოახერხა და გერმანიის ჩემპიონატში არცერთი საშინაო შეხვედრა არ წააგო. გუნდმა ალიანს-არენაზე 13 მატჩი მოიგო და 4 ფრედ დაასრულა, გაიტანა 55 და გაუშვა მხოლოდ 9!

5- ბაიერნი პირველი კლუბია რომელმაც შეძლო და გერმანიის ჩემპიონის ტიტულის დაცვა ზედიზედ ხუთი წლის განმავლობაში მოახერხა. ამ რეკორდულ მაჩვენებელს საფუძველი 2012/13 წლების სეზონში დაედო.

6- ბაიერნმა ასევე დაიცვა ზამთრის ჩემპიონის ტიტული რომელიც ზედიზედ მეექვსე გამოდგა, ისტორიაში ასეთი რამ სულ 21-ჯერ მოხდა რომელთაგან ბაიერნმა 18-ჯერ შეძლო ჩემპიონობის ოფიციალურად გაფორმება.

11- გასულ სეზონში ბავარიამ 11-ჯერ მოახერხა გოლის გატანა მსაჯის მიერ კომპენსირებულ დროში, გერმანიის მასშტაბით კი აღნიშნული მიღწევა რეკორდულთა სიას განეკუთვნება.

15-რეკორდმაისტერმა ტიტულის დაცვისთვის ბრძოლაში ლაიფციგს აჯობა რომელიც არც მეტი არც ნაკლები უკან 15 ქულით ჩამოიტოვა.

82-ბუნდესლიგაში დაგროვებული ქულათა რაოდენობა ბაიერნის ისტორიაში რიგით მეოთხე შედეგია, ამ მხრივ საუკეთესო მაჩვენებელი კლუბს კი 2012/13 წლების სეზონში ჰქონდა-91. (2013/14 წლებში 90 ქულა და 2015/16 წლებში 88 ქულა).

89-ბაიერნის შეტევა მიმდინარე სეზონში საუკეთესო იყო, „წითლებმა“ მეტოქე გუნდის კარის აღება 89-ჯერ მოახერხეს რომელიც 16-მა ბავარიელმა გაიტანა. ამაზე უკეთესი მაჩვენებელი ბავარიულ გიგანტს მხოლოდ 2-ჯერ 2000 და 2013 წლებში ჰქონდა.

ინდივიდუალური რეკორდები:

1-კარლო ანჩელოტი გახდა პირველი მწვრთნელი რომელმაც ევროპის ტოპ ხუთი ჩემპიონატი მოიგო, იტალიელმა სპეციალისტმა ეს შედეგი 57 წლის ასაკში დააფიქსირა.

6 და 7- ეს ციფრები არტურო ვიდალისა და დუგლას კოშტას ჩემპიონობა უკავშირდება, ჩილელმა ქვეყნის ჩემპიონის ტიტული ზედიზედ მეექვსედ მოიპოვა (4-ჯერ იუვენტუსში, 2-ჯერ ბაიერნში), კოშტასთვის კი წელს მოპოვებული ჩემპიონობა რიგით მეშვიდე გამოდგა (5-ჯერ შახტარში, 2-ჯერ ბაიერნში)

7-რიბერიმ მოახერხა და გერმანიის ჩემპიონის ტიტული მეშვიდეთ მოიპოვა, ამ მაჩვენებლით კი ფრანგი მოთამაშე ყველაზე წარმატებული არაგერმანელია ბუნდესლიგის ისტორიაში.

8- წელს მოპოვებული ჩემპიონის ტიტული ლეგენდარული ფილიპ ლამისთვის მერვე გახლდათ, ამ მაჩვენებლით კი ის გაუთანაბრდა ისეთ გენიალურ მოთამაშეებს როგორებიც ოლივერ კანი, მეჰმეთ შოლი და ბასტიან შვაინშტაიგერი არიან.

10-არიენ რობენის მაისურის ნომერი ემთხვევა ჩემპიონის ტიტულების რაოდენობას, ჰოლანდიელმა მოთამაშემ შეძლო და 6-ჯერ მოახერხა გერმანიის, 2-ჯერ ინგლისის, 1-ჯერ ესპანეთის და ამდენჯერვე ჰოლანდიის ჩემპიონატის მოგება.

11-ბაიერნის პოლონელმა ფორვარდმა მიმდინარე სეზონში 11 მატჩში მოახერხა 2 ან მეტი გოლის გატანა, ამაზე უკეთესი მაჩვენებლით კი მხოლოდ გერდ მიულერი გამოირჩა 1971/72 წლებში(12)

20-კინგსლი კომანმა 20 წლის ასაკში მოახერხა სამ სხვადასხვა ქვეყანაში ჩემპიონის ტიტულის მოპოვება. (იტალია, საფრანგეთი და გერმანია)

21-სიმბოლურია რომ ფილიპის ნომერი მისი ტიტულების რაოდენობა დაემთხვა, ბავარიის შემადგენლობაში ლამმა 21 ტიტული მოიპოვა და მხოლოდ 3 მოთამაშეს ოლივერ კანს, მეჰმეთ შოლს და ბასტიან შვაინშტაიგერს ჩამორჩა.

24-დავიდ ალაბამ 24 წლის ასაკში მოახერხა რიგით მეექვსე ვერცხლის სინის მოგება, აქამდე ასეთი შედეგი არცერთ ავსტრიელ ფეხბურთელს არ ჰქონია.

30-რობერტ ლევანდოვსკიმ მიმდინარე სეზონი გასულის მსგავსად 30 გატანილი გოლით დაასრულა, ასეთი მაჩვენებელი კი მხოლოდ გერდ მიულერს ჰქონდა შორეულ 1970 და 1973 წლებში.

50-ფრაიბურგთან გამართული მატჩი იოზუა კიმიხისთვის რიგით 50-ე გამოდგა, საინტერესოა რომ 22 წლის ასაკში არცერთ მოთამაშეს არ ჰქონია ისეთი შედეგი როგორიც წელს კიმიხმა დააფიქსირა. გეტყვით რომ ახალგაზრდა გერმანელმა ჩატარებული 50 თამაშიდან მხოლოდ 1 წააგო. (41 გამარჯვება და 8 მარცხი)

250-ეს რიცხვი კი ფილიპ ლამის მიერ ბუნდესლიგაში ჩატარებული მატჩების რაოდენობაზე მიგვითითებს, ამ მხრივ კი მასზე უკეთესი მაჩვენებელი მხოლოდ 2 მოთამაშეს ოლი კანს (310) და მანფრედ კალტცს (291) აქვთ.