მიუნხენის „ბავარიაში“ კვლავ სჯერათ, რომ ახალგაზრდა პორტუგალიელ ნახევარმცველს რენატო სანჩესს შეუძლია გუნდისათვის სარგებლის მოტანა. ამის შესახებ გერმანული გრანდის პრეზიდენტმა ული ჰიონესმა განაცხადა.

„სანჩესს ჯერ არ მისცემია შესაძლებლობა 3-4 მატჩი ეთამაშა ზეწოლის გარეშე. მე იმის მომხრე ვარ, რომ „ბავარიამ“ სანჩესს კიდევ 1 სეზონში მისცეს შანსი. ვთვლი, რომ მოთმინება და სიმშვიდე უნდა გამოვიჩინოთ. ახალგაზრდა ფეხბურთელებს საჭიროა ნდობა გამოვუცხადოთ, იმ შემთხვევაშიც კი თუ ზედიზედ 2 წელს მხოლოდ გერმანიის ჩემპიონები გავხდებით და საერთაშორისო დონეზე წარმატებებს ვერ მივაღწევთ“, - ციტირებს ჰიონესის სიტყვებს ცნობილი გერმანული ინტერნეტ-გამოცემა Kicker.

ბოლო პერიოდში ყვითელ პრესაში სულ უფრო და უფრო მეტი იწერებოდა სანჩესის სხვა კლუბში გადასვლის შესახებ, თუმცა თვითონ ფეხბურთელი მზადაა მმიუნხენელებს თავისი საჭიროება დაუმტკიცოს.

2016/17 სეზონში პორტუგალიის ნაკრების ფეხბურთელმა ბუნდესლიგის 17 მატჩში მიიღო მონაწილეობა, სადაც თავის გამოჩენა ვერ შეძლო.