» » ოფიციალურად: ბაიერნისა და ანჩელოტის გზები გაიყო

ოფიციალურად: ბაიერნისა და ანჩელოტის გზები გაიყო

28-09-2017, 18:13
074
2017 წლის 28 სექტმებერს მიუნხენის ბაიერნის ოფიციალურ ვებ-გვერდზე გაჩნდა ინფორმაცია რომლის თანახმადაც „რეკორდმაისტერის“ იტალიელმა თავკაცმა მთავარი მწვრთნელის პოსტი დატოვა.

კარლო ბავარიულ გუნდს 2016/17 წლების სეზონის დაწყებამდე ჩაუდგა მას შემდეგ რაც გუნდი პეპ გვარდიოლამ დატოვა, თუმცა იტალიელმა სპეციალისტმა მიუნხენულ კლუბში ვერ აჩვენა ის შედეგები რომელსაც ბაიერნის ხელმძღვანელობა და გულშემატკივრები ელოდნენ.

პირველ სეზონში ანჩელოტის თავკაცობით ბაიერნმა გერმანიის სუპერთასი და ბუნდესლიგა მოიგო, მეორე სეზონში მუშაობა კი წარუმატებელი სერიის გამო აღარ დასცალდა და ის ჩემპიონთა ლიგის ჯგუფური ეტაპის მეორე ტურის მატჩში განცდილი მარცხის შემდეგ დაკავებული თანამდებობიდან გაანთავისუფლეს.

ამ ეტაპზე უცნობია თუ ვინ ჩაანაცვლებს კარლო ანჩელოტის თუმცა ცნობილი გახლავთ ის რომ გარკვეული პერიოდის განმავლობაში დროებითი მწვრთნელის ფუნქციებს ლეგენდარული ვილი სანიოლი შეითავსებს.
1

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..