» » SportsMole: ული ჰიონესი თომას ტუხელის შესახებ საუბრობს

SportsMole: ული ჰიონესი თომას ტუხელის შესახებ საუბრობს

16-04-2018, 12:49 -ss- სიახლეები 0

SportsMole: ული ჰიონესი თომას ტუხელის შესახებ საუბრობს
მიუნხენის "ბაიერნის" პრეზიდენტი ული ჰიონესი, ინტერნეტ-გამოცემა SportsMole-თან მიცემულ ინტერვიუში, თომას ტუხელის შესახებ საუბრობს და აღნიშნავს, რომ გერმანული გრანდი ხსენებულ სპეციალისტთან მოლაპარაკებებს აწარმოებდა. ბავარიელთა ხელმძღვანელის განცხადებით, ტუხელმა ერთმნიშვნელოვნად განაცხადა, რომ საკუთარი სამომავლო გეგმების შესახებ გადაწყვეტილება მიღებული ჰქონდა და "ბაიერნის" შეთავაზება უარყო.

"ჩვენ დიდი ხნის განმავლობაში ვციდლობდით, რომ იუპ ჰაინკესი კლუბში დარჩენილიყო. როდესაც საბოლოოდ დავრწმუნდით, რომ მას ვერ დავიყოლიებდით, დავიწყეთ მოლაპარაკება იმ სპეციალისტთან, რომელიც თავისუფალი იყო - თომას ტუხელთან. მან კი ჩვენ განგვიცხადა, რომ საკუთარი სამომავლო გეგმების შესახებ უკვე ჩამოყალიბებული იყო. ეს რა თქმა უნდა, სამწუხარო სიახლე გახლდათ , თუმცა ამით შოკირებულები არ დავრჩენილვართ. ყოველივე ზემოაღნიშნულის შემდეგ, სულ რამდენიმე დღეში ჩვენ უკვე მივიღეთ გადაწყვეტილება, ნიკო კოვაჩთან დაკავშირებით"- განაცხადა ული ჰიონესმა.

შეგახსენებთ, სულ რამდენიმე დღის წინ მიუნხენის "ბაიერნის" ოფიციალურმა ვებ-გვერდმა გაავრცელა ცნობა იმის შესახებ, რომ 2018 წლის 1 ივლისს "რეკორდმაისტერის" მთავარი მწვრთნელის პორტფელს ნიკო კოვაჩი ჩაიბარებს, რომელიც გუნდში 2021 წლის 30 ივნისამდე დარჩება.
2
ინფორმაცია
მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ.