» » ხამესმა თავის მომავალზე კომენტარი გააკეთა

ხამესმა თავის მომავალზე კომენტარი გააკეთა

28-07-2018, 23:36 kimmich სიახლეები 0

ხამესმა თავის მომავალზე კომენტარი გააკეთა
მიუნხენის "ბაიერნის" შემტევმა ნახევარმცველმა თავის მომავალთან დაკავშირებით კომენტარი გააკეთა. ამ ზაფხულს უკვე ბევრი დაიწერა იმის შესახებ რომ ხამესს "რეალში" დაბრუნება სურდა. ამ და სხვა ჭორებს რაც მის ირგვლივ ტრიალებდა ხამესმა პასუხი გასცა და აღნიშნა რომ "ბაიერნში" ბედნიერია.

ხამეს როდრიგესი ახლა გუნდთან ერთად მაიამიში იმყოფება და მომდევნო სეზონისთვის მზადებას გადის. კოლუმბიელმა ნახევარმცველმა ოფიციალური განცხადება გააკეთა თავის მომავალთან დაკავშირებით: "ბევრი ჭორი გავრცელდა პრესაში ჩემს მომავალთან დაკავშირებით. მე ახლა აქ ვარ, "ბაიერნში " თავს კარგად ვგრძნობ, მე აქ ბედნიერი ვარ და ახლა მხოლოდ "ბაიერნზე" ვფიქრობ.

ხამესს "ბაიერნთან" კონტრაქტი აკავშირებს რომელიც 30.06.2019 -წლამდეა გათვილი. ვადის ამოწურვის შემდეგ კი "მიუნხენელებს" აქვთ ხამესის გამოსყიდის უფლება რომელიც 42 მილიონს შეადგენს. გერმანული კლუბის აღმასრულებელი საბჭოს თავმჯდომარემ კარლ-ჰაინც რუმინიგემ ჟურნალისტების დასმულ შეკითხვებს, დარჩებოდა თუ არა ხამესი "ბაიერნში" კონტრაქტის ამოწურვის შემდეგ , მოკლედ უპასუხა - "საკმაოდ დიდი შანსია". კალეს პასუხს, შემდეგ კოლუმბიელმაც დადებითად უპასუხა. "ჩემი თავი მიუნხენში მომავალ წლებშიც წარმომიდგენია, "ბაიერნი" დიდი კლუბია. გასულ სეზონში მათ მე ნდობა გამომიცხადეს. მათთან ერთად ჩემპიონთა ლიგის მოგება მსურს". - წერს გერმანული გამოცემა sportbild-ი.

სამხრეთ ამერიკელს "ბაიერნის" რიგებში სულ 39 შეხვედრა აქვს ჩატარებული, კოლუმბიელმა 8 გოლი გაიტანა და 14 შედეგიანი გადაცემით გამოირჩა.
ხვალ 03:00 "ბაიერნი" მაიამიში მანჩესტერ სიტის დაუპირისპირდება. მართალია ხამესი ამერიკაში იმყოფება, მაგრამ აღნიშნულ შეხვედრაში როდრიგესი მონაწილეობას არ მიიღებს.
2
ინფორმაცია
მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ.