» » MARCA: ლევანდოვსკის "რეალში" გადასვლა ისევ სურს

MARCA: ლევანდოვსკის "რეალში" გადასვლა ისევ სურს

29-07-2018, 18:42 kimmich ჭორები 0

MARCA: ლევანდოვსკის
ესპანური გამოცემა "MARCA" იუწყება რომ რობერტ ლევანდოვსკის, "ბაიერნის" დატოვება და მადრიდის "რეალში" თამაში სურს. პოლონელი ცენტრფორვარდი იმედს იტოვებს, რომ მისი ოცნება ახდება და "მადრიდელთა" რიგებში იასპარეზებს.

როგორც გუშინ გამოცემა Sky-მ დაწერა , მიუნხენის "ბაიერნის" პოლონელი შემტევი თავის მომავალთან დაკავშირებით კლუბის მთავარ მწვრთნელს, ნიკო კოვაჩს დაელაპარაკება და სთხოვს რომ ტრანსფერზე დააყენონ, რათა ოცნება აიხდინოს და მადრიდის "რეალს" შეუერთდეს.

მადრიდშიც იციან რომ რობერტს მათ გუნდში სურს თამაში, ამის შესახებ მაშინ გაიგეს როცა ლევანდოვსკის აგენტმა, პინი ზაჰავიმ განაცხადა, რომ მის კლიენტს ატმოსფეროს გამოცვლა სურდა "თეთრების" სასარგებლოდ.

ოცნების ახდენაში რობერტს ხელს "ბაიერნის" ხელმძღვანელობა უშლის. უკვე არაერთხელ განაცხადეს "ბავარიელთა" ბოსებმა რომ ლევანდოვსკის გაშვებას არ აპირებენ და მას არანაირი თანხის სანაცვლოდ არ გაუშვებენ. "რეალს" კი "რეკორდმაისტერთან" შესანიშნავი ურთიერთობები აქვს და ამ ურთიერთობების გაფუჭებას არ აპირებენ.

პოლონელ ფორვარდ "ბაიერნთან" კონტრაქტი 2021 წლის 30 ივნისამდე აკავშირებს. გასულ სეზონში რობერტმა 48 შეხვედრა ჩაატარა და 41 გოლის გატანა მოახერხა.
1
ინფორმაცია
მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ.