» » ოფიციალურად: არტურო ვიდალი ბარსელონას ფეხბურთელია

ოფიციალურად: არტურო ვიდალი ბარსელონას ფეხბურთელია

4-08-2018, 01:44 LEV4NI ტრანსფერები 0

ოფიციალურად: არტურო ვიდალი ბარსელონას ფეხბურთელია
არტურო ვიდალის ირგვლივ სატრასფერო საგა დასრულებულია, მომავალი სეზონიდან ჩილელი ნახევარმცველი კატალონიის ბარსელონას ღირსებას დაიცავს.

რამდენიმე წუთის წინ ოფიციალურად დადასტურდა, რომ გერმანელებმა ესპანურ მხარესთან საბოლოოდ მიაღწიეს შეთანხმებას და ვიდალიც უკვე რამდენიმე დღეში ესტუმრება კატალონიას.

ცნობილია, რომ ვიდალის ტრანსფერის სანაცვლოდ ბავარიული კლუბი 18 მილიონ ევროს მიიღებს, ბონუსის ჩათვლით კი რეკორდმაისტერის ბიუჯეტი საბოლოო ჯამში 21 მილიონი ევროთი გამდიდრდება.

შესაბამისად, რამდენიმე დღეში არტურო ბარსელონას ეწვევა, სადაც სამედიცინო შემოწმებას გაივლის და ამავდროულად სამ წლიან კონტრაქტს ოფიციალურად გააფორმებს.

აღსანიშნავია, რომ დიდი ალბათობით ვიდალი არ იქნება ბოლო ფეხბურთელი, რომელიც ბავარიულ კლუბს დატოვებს, რადგან რამდენიმე მოთამაშის გაშვების თაობაზე რეკორდმაისტერის ხემლძღვანელობამ უკვე არაერთხელ დააანონსა.

შეგახსენებთ, რომ ჩილელი ნახევარმცველი ბაიერნს 2015 წელს შეუერთდა და მისი ტრანსფერი ალიანს არენის ბინადრებს 40 მილიონი ევრო დაუჯდათ.
2
ინფორმაცია
მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ.