» » BMW ბაიერნთან თანამშრომლობით დაინტერესდა

BMW ბაიერნთან თანამშრომლობით დაინტერესდა

4-08-2018, 02:34 LEV4NI ჭორები 0

BMW  ბაიერნთან თანამშრომლობით დაინტერესდა
რამდენიმე დღის წინ გავრცელებული ინფორმაციის თანახმად, საავტომობილო კომპანია BMW მზადაა მიუნხენის ბაიერნთან თანამშრომლობა დაიწყოს.

როგორც ჩანს, მიუნხენური ავტოგიგანტი აპირებს რომ გოლფის, ტენისის, ნიჩბოსნობისა და მოტოსპორტის შემდეგ საკუთარი თავი სპორტის ისეთ პოპულარულ სახეობაში დაიმკვიდროს, როგორიც ფეხბურთია.

ცნობილია, რომ ამჟამად BMW მხოლოდ გრანდიოზული თანხების დახმარებით ცდილობს ბაიერნთან კომუნიკაციის დამყარებას, თუმცა მათი ეს მცდელობა როგორც ჩანს უშედეგოა.

Bild-ის აზრით კი, ამ ყველაფრის მთავარი მიზეზი ვოლკსვაგენის ბოსი, ჰერბერტ დიზი გახლავთ, რომელიც წარმატებით უშლის ხელს მიუნხენური კლუბისა და ავტოგიგანტის დაახლოების პროცესს.

საბოლოო ჯამში, ამ ეტაპზე აღნიშნული ინფორმაცია მხოლოდ ჭორის დონეზე უნდა განვიხილოთ, რადგან ნაკლებად სავარაუდოა აუდიმ, რომელიც ბავარიული კლუბის აქციების 8.33%-ს ფლობს ბაიერნთან თანამშრომლობის გაწყვეტა რაიმე თანხის სანაცვლოდ მოინდომოს.

ასევე შეგახსენებთ, რომ ბაიერნსა და აუდს შორის გაფორმებული ხელშეკრულება მხარეებს შორის 2025 წლამდე თანამშრომლობას ითვალისწინებს.
2
ინფორმაცია
მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ.