სებასტიან რუდიმ მიუნხენური კლუბი დატოვა და საკუთარ საფეხბურთო კარიერას, გელზენკირხენის "შალკე 04"-ის შემადგენლობაში გააგრძელებს. 28 წლის საყრდენმა ნახევარცველმა ახალ კლუბში სამედიცინო შემოწმება წარმატებით გაირა და კლუბთან 4 წლიან კონტრაქტსაც მოაწერა ხელი.

ზემოხსენებულ ტრანსფერს გამოეხმაურა, მიუნხენის "ბაიერნის" აღმასრულებელი საბჭოს თავჯდომარე კარლ-ჰაინც რუმენიგე - "მინდა მადლობა გადავუხადო სებასტიანს ყველაფრისთვის. მან დიდი როლი ითამაშა ბუნდესლიგის რიგით მე-6 ტიტულის მოპოვებაში. ჩვენ რუდის ყველაფერს საუკეთესოს ვუსურვებთ მომავალში."

"სებასტიანი სამაგალითო ფეხბურთელია. არ აქვს მნიშვნელობა ის მატჩს სასტარტო შემადგენლობიდან დაიწყებდა თუ სკამიდან შეუერთდებოდა გუნდს. თავისი საიმედოობით იგი გამორჩეული იყო." - ეს კი "რეკორდმაისტერის" სპორტული დირექტორის, ჰასან სალიჰამიჯიჩის სიტყვებია.

შემდგარი გარიგებით კმაყოფილი იყო თავად ფეხბურთელიც. "მე მჯერა იმ კლუბის, რომელიც შევარჩიე და მსურს მისი სრულფასოვანი წევრი გავხდე. გულშემატკივართან შეხვედრას სულმოუთმელად ველი."-აცხადებს სებასტიან რუდი.