» » კომანი და ალაბა მინდორზე დაბრუნდნენ

კომანი და ალაბა მინდორზე დაბრუნდნენ

10-03-2019, 21:17
090
კვირას მიუნხენში საშინელი დილა იყო, თუმცა ზებნერ შტრასედან კარგი ინფორმაციის გავრცელებაში ამინდს ხელი არ შეუშლია. რეკორდმაისტერის ოფიციალური ვებ-გვერდის ინფორმაციით დავიდ ალაბა და კინგსლი კომანი სავარჯიშო მოედანს დაუბრუნდნენ.

შეგახსენებთ, რომ ტრავმების გამო ნახსენებმა ორივე ფეხბურთელმა ვოლფსბურგთან შეხვედრა გამოტოვა. ავსტრიელი განაპირა მცველის მინდორზე დაბრუნება რამდენიმე დღის წინ შედგა, როდესაც კვლავინდებურად თანაგუნდელებთან ერთად განაახლა ვარჯიში, რაც შეეხება კომანს, ფრანგი ჰერტასთან მიღებული მყესის ტრავმის შემდეგ პირველად გამოჩნდა მინდორზე.

ჯერ-ჯერობით უცნობია მოახერხებს თუ არა კინგსლი ჩემპიონთა ლიგის 1/8 ფინალური ეტაპის საპასუხო მატჩში ლივერპულის წინააღმდეგ თამაშს.

„კინგსლი თავს კარგად გრძნობს. დავაკვირდებით ვარჯიშებზე რა მოხდება. ჯერ კიდევ დიდი დრო გვაქვს“, - განაცხადა ჰასან სალიჰამიჯიჩმა კვირას, როდესაც მას ჰკითხეს კომანის შანსზე ეთამაშა ლივერპულის წინააღმდეგ.

მიუნხენელთა მთავარმა მწვრთნელმაც სიფრთხილე გამოიჩინა აღნიშნულ კითხვაზე პასუხისას: „მოთმინება გვმართებს და უნდა დაველოდოთ ხვალინდელ და ზეგინდელ ვარჯიშებს. ჩვენ ოთხი დღე გვაქვს და გვინდა ეს დრო სრულად გამოვიყენოთ“
2

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..