» » ლოთარ მათეუსი ბაიერნს აფრთხილებს: ეს გარდაუვალია

ლოთარ მათეუსი ბაიერნს აფრთხილებს: ეს გარდაუვალია

19-მარ-2019, 21:51
0411
მიუნხენის ბაიერნში დიდი ცვლილებები იგეგმება, რამდენიმე ვარსკვლავს ელოდებიან გუნდში. ექს-ბავარიელი და ამჟამად სატელევიზიო ექსპერტი, ლოთარ მათეუსი, ბაიერნს მოუწოდებს მკვეთრი და რადიკალური ცვლილებები არ განახორციელონ. "თქვენ ბაიერნის სახე არ უნდა დაკარგოთ", - ამბობს მათეუსი.

abendzeitung-ის ინფორმაციით ზაფხულში ბავარიელებს ბენჟამინ პავარი შემოუერთდება, ხოლო კლუბს ორი ლეგენდა ფრანკ რიბერი და არიენ რობენი დატოვებენ. რეკორდმაისტერი მიმდინარე სეზონის დასრულების შემდეგ ზაფხულში რაფინიასაც დაემშვიდობება. ეს უკვე დიდი ცვლილებების პირველი ნიშანია, რომელიც გერმანულ გრანდში იწყება.

ზაფხულში ხმაურიანი ტრანსფერებია მოსალოდნელი, რომელთა შორის სახელდება ლუკას ერნანდესი (მადრიდის ატლეტიკო) და ტიმო ვერნერი. თუ წყაროს ვენდობით ნათელი ხდება, რომ მიმდინარე სეზონის დასრულების შემდეგ რეკორდმაისტერის შემადგენლობაში ცვლილებები იქნება.

მათეუსი მიუნხენის ბაიერნის გულშემატკივრებზე ფიქრობს

"თქვენ ბაიერნის სახე არ უნდა დაკარგოთ. არ შეიძლება უკანასკნელი ოთხი, ხუთი, ექვსი წლის ფეხბურთელები, რომლებმაც რეკორდმაისტერის ისტორია დაწერეს, ყველა გამოცვალო. ნუ გგონიათ, რომ საზღვარგარეთიდან მოყვანილ ფეხბურთელებს უმალ Mia san Mia-ს შეგრძნება დაეუფლებათ", - განაცხადა 57 წლის მათეუსმა o2 Fußball-Talk-თან საუბარში.

"ტომას მიულერს, ჟერომ ბოატენგსა და მატს ჰუმელსს პრობლემები აქვთ და მათი შეცვლა შეიძლება, თუმცა სურთ კი რეკორდმაისტერის გულშემატკივრებს ასეთი ბაიერნის ხილვა? მიულერის, ლამის, შვაინშტაიგერისა და კანის გარეშე?!".

მათეუსს მიუნხენის ბაიერნის მომავალი თაობის იმედი აქვს

როგორ უნდა გადაიჭრას აღნიშნული პრობლემა? 57-წლის გერმანელი, როგორც ახლო, ასევე შორეულ მომავალში ძირითად იმედს აკადემიის აღზრდილებზე ამყარებს.
"მიუნხენელებს საკუთარი სახე სჭირდებათ, რომლებიც ახლა სამწუხაროდ იკარგებიან, ამიტომ ვიმედოვნებ, რომ ბავარიელები უახლოესი წლების განმავლობაში საკუთარი აკადემიის აღზრდილებს გამოიყენებენ".

ეთანხმებით ლოთარ მათეუსის მოსაზრებას?

კი - 7 (70%)
70%
ნაწილობრივ - 3 (30%)
30%
არა - 0 (0%)
0%
ხმების რაოდენობა: 10
4

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..