» » Mirror: "სიტის" ხელმძღვანელობა ული ჰიონესისგან საჯაროდ ბოდიშის მოხდას ითხოვს

Mirror: "სიტის" ხელმძღვანელობა ული ჰიონესისგან საჯაროდ ბოდიშის მოხდას ითხოვს

24-მარ-2019, 21:40
0382
მანჩესტერ "სიტი", შეიხ მანსუროს მისამართით გაკეთებული განცხადებების გამო, მიუნხენის "ბაიერნის" პრეზიდენტის ული ჰიონესისგან, საჯაროდ ბოდიშის მოხდას ითხოვს. ამის შესახებ ინფორმაციას გამოცემა Mirror ავრცელებს.

შეგახსენებთ, სულ რამდენიმე დღის წინ ული ჰიონესმა ჟურნალისტებთან მიცემულ ინტერვიუში შემდეგი შინაარსის კომენატრი გააკეთა. "ჩემი მეგობარი პეპ გვარდიოლა მიყვებოდა, რა ხდებოდა მაშინ, როდესაც მას სურდა ფეხბურთელის ყიდვა, რომლის ღირებულება 100 მილიონ ევროს შეადგენდა. ის აგროვებს ფეხბურთელის შესახებ რამდენიმე ვიდეოს და შემდგომ მიფრინავს შეიხთან სასაუბროდ. იქ ერთად მშვიდად სადილობენ, ამ დროს პეპი იწყებს ვიდეოების ჩვენებას, შეიხი კი გადარიცხავს საჭირო თანხებს. მეორე დღეს, იგი გაზის ტარიფს ოდნავ ზრდის, რათა უმალვე შეივსოს დანაკლისი. ვამაყობ იმით, რომ მსგავს დროს "ბავარიაში" მე მივმართავ არა საკრედიტო განყოფილებას, არამედ შემოსავლების დეპარტამენტს."-ციტირებდა ული ჰიონესის სიტყვებს გამოცემა goal-ი.

ზემოხსენებულ კომენტარს მანჩესტერ "სიტის" ხელმძღვანელობაში უკმაყოფილება მოჰყვა. ბრიტანული კლუბის წარმომადგენელი აღნიშნავდა, რომ ული ჰიონესი, რომელიც წარსულში სასჯელს იხდიდა გადასახადების დამალვის გამო, თავს უფლებას აძლევდა და ასეთი ტონით საუბრობდა ბიზნესის წარმოების მეთოდებზე.

"ეს არის თვითკმაყოფილებას მიცემული, ამაყი ეგოისტის სიტყვები. ჩვენ ასევე გვაწუხებს ის ფაქტიც, რომ ჰიონესის განცხადებაში იკითხებოდა რასისტული კონტექსტიც. მანჩესტერ "სიტის" სურს, რომ ული ჰიონესმა გაკეთებული განცხადებების გამო საჯარაოდ ბოდიში მოიხადოს. წინააღმდეგ შემთხვევაში საქმე შესაძლოა სასამართლომდეც კი მივიდეს"-აცხადებს წყარო გამოცემა Mirror-თან საუბრის დროს.
1

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..