» » France Football : "ბარსელონას" დავიდ ალაბა სურს

France Football : "ბარსელონას" დავიდ ალაბა სურს

28-მარ-2019, 11:53
0441
ავსტრიის ეროვნული ნაკრებისა და მიუნხენის "ბაიერნის" უკანახაზელი დავიდ ალაბა, საფეხბურთო კლუბ "ბარსელონას" ინტერესის სფეროში მოექცა. როგორც გამოცემა France Football წერს, კატალონიურ გრანდს ზემოხსენებული განაპირა მცველის შეძენა, გუნდში კონკურენციის ასამაღლებლად სჭირდება. ამ კონტექსტში კი ჟორდე ალბას ასახელებენ.

დავიდ ალაბას მომავალი მიუნხენურ კლუბში ბურუსით მოცულია, იმ ფონზე როდესაც ცნობილი გახდა, რომ "ბაიერნმა" მადრიდის "ატლეტიკოს" მცველი ლუკას ერნანდესი დაიმატა - აღნიშნავს გამოცემა.

26 წლის ფეხბურთელს მიუნხენის "ბაიერნთან" კონტრაქტი 2021 წლამდე აკავშირებს. მისი დებიუტი "ბავარიაში" 2009 წელს შედგა. მთელი ამ დროის განმავლობაში ალაბამ "რეკორდმაისტერის" მაისური 335 ჯერ მოირგო. გახდა 28 გატანილი გოლის ავტორი. რაც შეეხება მიმდინარე სეოზნს, ავსტრიელმა მცველმა ბუნდესლიგის 24 ორთაბრძოლაში მიიღო მონაწილეობა, მათგან 22 ში კი ძირითად შემადგენლობაში იყო წარმოდგენილი.

გამოცემა transfermarkt-ის ინფორმაციით, ფეხბურთელის მიმდინარე ღირებულება 55 მილიონ ევროს შეადგენს.
2

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..