» » კოვაჩი: მაქსიმალური მობილიზება გვმართებს

კოვაჩი: მაქსიმალური მობილიზება გვმართებს

5-04-2019, 14:36
0127
მიუნხენის "ბაიერნის" მთავარი მწვრთნელი ნიკო კოვაჩი, ჟურნალისტებთან მიცემულ ინტერვიუში, დორტმუნდის "ბორუსიასთან" მოახლოებულ პაექრობას გამოეხმაურა. ხორვატი სპეციალისტის განცხადებით, აღნიშნულ მატჩში განსაკუთრებული ყურადღება მიენიჭება დაცვაში მოქმედებას.



"ამ თამაშში აუცილებელია საჭირო პასუხისმგებლობის და დისციპლინის ჩვენება. მცველებს სათანადოდ ვესაუბრები. ყველაფრისთვის მზად უნდა ვიყოთ. ფეხბურთელების სათამაშო კლასს ამ მომენტში გადამწყვეტი მნიშვნელობა არ ენიჭება. საფრანგეთის ეროვნული ნაკრები მსოფლიოს ჩემპიონი იმიტომ გახდა, რომ იგი თანაბრად კარგად მოქმედებდა როგორც შეტევაში ისე დაცვაში. ჩემპიონობის ბედს დაცვა წყვეტს. ჩვენ კვლავ გვჭირდება დაცვაში კარგი თამაში, როგორც ინდივიდუალური, ისე გუნდური თვალსაზრისით. ეს საინტერესო ორთაბრძოლა იქნება, მოიგებს ის გუნდი, რომელიც უფრო ნაკლებ შეცდომას დაუშვებს."-ციტირებს გამოცემა Goal ნიკო კოვაჩის სიტყვებს.

შეგახსენებთ, გერმანიის ჩემპიონატის 28-ე ტურის ეგიდით, 6 აპრილს მიუნხენის "ბაიერნი" საკუთარ კედლებში დორტმუნდის "ბორუსიას" უმასპინძლებს. მოგების შემთხვევაში "რეკორდმაისტერი" პირველ ადგილს დაისაკუთრებს და თავის უშუალო კონკურენტთან 1 ქულიან სხვაობასაც მოიპოვებს. ზემოხსენებული მატჩი თბილისის დროით 20:30 საათზე აიღებს სტარტს.
1

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..