» » Bild : ჰიონესი "ბაიერნს" ემშვიდობება

Bild : ჰიონესი "ბაიერნს" ემშვიდობება

29-07-2019, 11:22
0328
მიუნხენის "ბაიერნის" პრეზიდენტი ული ჰიონესი, რომელსაც იანვრის თვეში 68 წელი უსრულდება, "რეკორდმაისტერს" ემშვიდობება და არ აპირებს საკუთარი კანდიდატურა წარადგინოს 2019 წელს დაგეგმილ არჩევნებში. ამის შესახებ ინფორმაციას გერმანული გამოცემა Bild ავრცელებს.

წყაროს მტკიცებით, მიუნხენური გრანდის ახალი პრეზიდენტი ჰერბერტ ჰაინერი იქნება. ჰაინერი аdidas-ის ყოფილი გენერალური დირექტორია, რომელიც ამავედროს "ბაიერნის" სადამკვირვებლო საბჭოს წევრი გახლავთ. ული ჰიონესს და ჰერბერტ ჰაინერს 20 წლიანი თანამშრომლობა აკავშირებთ.

ული ჰიონესი მიუნხენის "ბაიერნის" რიგებში, ფეხბურთელის ამპლუაში 1970-1979 წლებში ასპარეზობდა. 27 წლის ასაკში მან კარიერა დაასრულა და "ბავარიაში" მენჯერულ საქმიანობას შეუდგა. 2009-2014 წლებში იგი "ბაიერნის" პრეზიდენტი იყო, 2016 წელს კი ხელახლა იქნა არჩეული ხსენებულ თანამდებობაზე. 40 წლიანი ხელმძღვანელობის განმავლობაში ბაიერნმა 16 ჯერ იზეიმა გერმანიის ჩემპიონობა, ორჯერ მოიგო უეფას ჩემპიონთა ლიგა და ერთხელ უეფას თასი.

გამოცემა Bild ზემოაღნიშნულის პარალელურად კიდევ ერთ საინტერესო ინფორმაციას ავრცელებს. როგორც ირკვევა "ბაიერნის" ქომაგები ხელმოწერებს აგროვებენ იმ იმედით რომ გადააფიქრებინონ ჰიონესს მიღებული გადაწყვეტილება. პეტიციაში ვკითხულობთ, რომ ძლიერი "ბაიერნის" გარანტი - ული ჰიონესია.
0

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..