» » მიულერის მორიგი რეკორდი

მიულერის მორიგი რეკორდი

31-მაი-2020, 11:48
0127
მიუნხენის "ბაიერნის" შემტევი ნახევარმცველი თომას მიულერი, გერმანიის ჩემპიონატის 29-ე ტურში დუსელდორფის "ფორტუნას" წინააღმდეგ გამართულ შეხვედრაში, საგოლე გადაცემის ავტორი გახდა. მიულერმა პასი რობერტ ლევანდოვსკის გაუკეთა.

ხსენებული შედეგიანი გადაცემა თომას მიულერისათვის, მიმდინარე სეზონში რიგით მე-18 იყო. როგორც გამოცემა OptaFranz-ი სოციალურ ქსელ twitter-ის საკუთარ გვერდზე წერს, გერმანელმა შემტევმა ამ ასისტით რეკორდი დაამყარა. ბუნდესლიგის 29 ტურის მონაცემებით მსგავსი მაჩვენებელი 2004/2005-სეზონის შემდეგ არ დაფიქსირებულა.

აბსოლუტური რეკორდი ამ მომენტამდე ემილიუ ფიორსბერგს ეკუთვნის, რომელმაც 2016/17 წლის გათამაშებაში 22 საგოლე გადაცემას მოუყარა თავი. მიულერს აღნიშნული მიზნის მიღწევამდე სულ ცოტა დარჩა. ასევე აღსანიშნავია კიდევ ერთი საინტერესო ფაქტი: დუსელედორფის "ფორტუნას" წინააღმდეგ დაფიქსირებული მოგება მიულერისათვის "ბაიერნის" მაისურით 250-ეა. ამ მაჩვენებელით იგი მხოლოდ ლეგენდარულ ოლივერ კანს ჩამოუარდება, რომლის ანგარიშზეც 260 გამარჯვებაა აღრიცხული.
0

ინფორმაცია

მომხმარებლებს, რომლებიც არიან ჯგუფის სტუმარი-ს წევრები, აღნიშნულ სიახლეზე კომენტარის დამატების უფლება არ აქვთ.