» » ბუფონი: ბაიერნი იუვენტუსზე მაღლა დგას

ბუფონი: ბაიერნი იუვენტუსზე მაღლა დგას

11-04-2013, 13:40 admin სიახლეები / მთავარი ამბები 0

ბუფონი: ბაიერნი იუვენტუსზე მაღლა დგას
ტურინის იუვენტუსის მეკარემ ჯანლუიჯი ბუფონმა, ჩემპიონთა ლიგის 1/4 ფინალური ეტაპის საპასუხო მატჩის, მიუნხენის ბაიერნთან, დასრულების შემდეგ განაცხადა, რომ რეკორდმაისტერი იუვენტუსზე მაღალი დონის კლუბია.

35-წლის გამოცდილმა მეკარემ uefa.com-თან საუბარში აღიარა, რომ მიუნხენის ბაიერნი უფრო ძლიერი კლუბი აღმოჩნდა ვიდრე ბიანკონერი.

სერია A-ს ჩემპიონები ალიანს არენაზე 2:0 დამარცხდნენ დავიდ ალაბასა და ტომას მიულერის გოლების წყალობით, ხოლო საპასუხო მატჩში ასევე 0:2 დათმეს შეხვედრა მარიო მანჯუკიჩისა და კლაუდიო პიზაროს გოლებით. მთლიანობაში 4:0 და რეკორდმაისტერი 1/2 ფინალშია.

"ვფიქრობდი, რომ ტურინში შევძლებდით იმავე დონეზე გვეთამაშა, როგორც ბაიერნი, თუმცა შევცდი. ბაიერნი იუვენტუსზე მაღალი დონის კლუბია. ვფიქრობ გერმანელებს ჩემპიონთა ლიგის მიმდინარე სეზონის გათამაშების მოგება შეუძლიათ", - ამბობს ბუფონი.

"ოცნება დღეს საღამოს დასრულდა. ვცდილობდით ჩვენი თამაში გვეთამაშა და თამაშის სადავეები ხელში აგვეღო, საბოდიშო არაფერი გვაქვს, ჩვენ ჩვენი შესაძლებლობების მაქსიმუმი გავაკეთეთ".

"ბაიერნი გაცილებით კარგ ფორმაში იყო, უკეთ თამაშობდნენ, დიდი გამოცდილება აქვთ და უბრალოდ ჩვენზე კარგები არიან. ბიანკონერი კიდევ უნდა გაუმჯობესდეს და გაიზარდოს. დღეს ძალიან დიდი განსხვავება დავინახე იუვენტუსსა და ბაიერნს შორის. რაც მთავარია გამოცდილება: უკვე რამდენიმე წელია ბაიერნს სტაბილური შემადგენლობა ჰყავს და ევროპაშიც ბოლო რამდენიმე წლის განმავლობაში დომინანტებად იქცნენ".

"ვიცოდი, რომ ბაიერნი საკმაოდ ძლიერი გუნდი იყო, მაგრამ სიმართლე, რომ გითხრათ ასეთი ძლერები თუ იყვნენ არ მოველოდი. დღეს უფრო აღფრთოვანებული ვარ მათი თამაშით ვიდრე მიუნხენში ვიყავი, რადგან პირველ შეხვედრაში ჩვენი მაქსიმუმი არ გაგვიკეთებია დღეს საღამოს ბოლომდე ამოვწურეთ ჩვენი შესაძლებლობები", - დაასრულა კომენტარი ჯანლუიჯი ბუფონმა uefa.com-თან.
0

ინფორმაცია

ჩვენს საიტზე კომენტარების დაწერა შესაძლებელია მხოლოდ სიახლის გამოქვეყნებიდან 45 დღის განმავლობაში..