ბაიერნი პატრიკ შიკს ჰარი კეინის შემცვლელად მოიაზრებს
პატრიკ შიკი, რომელიც ამ მომენტისთვის ლევერკუზენის ბაიერის ღირსებას იცავს და ფარმაცევტების საუკეთესო ბომბარდირია, მიუნხენის ბაიერნის სატრანსფერო რადარზე მოხვდა. ბავარიული კლუბის მესვეურები ჩეხს ჰარი კეინის შემცვლელად მოიაზრებენ.
ცნობილი გერმანული სპორტული გამოცემა BILD-ის ინფორმაციით რეკორდმაისტერში მიიჩნევენ, რომ პატრიკ შიკი სწორედ ის ფეხბურთელია, რომელიც ჰარი კეინს შეცვლის ხოლმე საჭიროების შემთხვევაში.
BILD-ზე დაყრდნობით ვგებულობთ, რომ ფეხბურთელის წარმომადგენელთან მიდის საუბარი სავარაუდო თანამშრომლობაზე.
ლევერკუზენის ბაიერი მზადაა გუნდის საუკეთესო ფორვარდი 25 მილიონ ევროდ გაყიდოს, თუმცა უცნობია ეხება თუ არა ეს მიუნხენის ბაიერნს, რომელიც ბუნდესლიგაში ფარმაცევტების პირდაპირი კონკურენტია.
გაცნობებთ, რომ მიმდინარე სეზონში პატრიკ შიკმა 31 შეხვედრაში 19 გოლი გაიტანა და მხოლოდ ჰარი კეინს ჩამორჩება, რომლის ანგარიშზეც 24 გოლია. ჩეხი შემტევის მიმართ დაინტერესებულია მანჩესტერ იუნაიტედიც.