ზინედინ ზიდანის პასუხი მიუნხენის ბაიერნს

მიუნხენის ბაიერნის მესვეურები კლუბის მომავალი მთავარი მწვრთნელის ძიებით აქტიურად არიან დაკავებულები. რეკორდმაისტერს უარი უკვე რამდენიმე სპეციალისტმა უთხრა, რომელთა რიგებს ზინედინ ზიდანიც დაემატა.

შეგახსენებთ, ამა წლის თებერვალში რეკორდმაისტერის მესვეურებმა ოფიციალურად განაცხადეს, რომ მიმდინარე სეზონის დასრულების შემდეგ ტომას ტუხელი გერმანულ გრანდს დატოვებს.

Bayern & Germany-ს ტვიტერის ოფიციალურ გვერდზე გავრცელებულ ვიდეოში ზინედინ ზიდანი გარკვევით პასუხობს, რომ მიუნხენის ბაიერნის მწვრთნელობას არ აპირებს და ჩემპიონთა ლიგის 1/2 ფინალურ ეტაპზე მადრიდის რეალს წარმატებებს უსურვებს.

ჟურნალისტი: - რომელი გუნდი გაიმარჯვებს: ბაიერნი თუ რეალი?

ზიდანი: - იმედი მაქვს მადრიდის რეალი, ეს ძალიან რთული მატჩი იქნება.

ჟურნალისტი: - მიუნხენის ბაიერნის მომავალი მწვრთნელი იქნებით?

ზიდანი: - არა. მე მხოლოდ თამაშს ვუყურებ!