ვენსან კომპანი: გვარდიოლამ ჩემზე დიდი ზეგავლენა მოახდინა
ვენსან კომპანი, რომელიც ამ მომენტისთვის მიუნხენის ბაიერნის მთავარი მწვრთნელის თანამდებობას იკავებს, ხოსეპ გვარდიოლაზე საუბრობს და აღნიშნავს, რომ ესპანელმა სპეციალისტმა მასზე დიდი ზეგავლენა იქონია.
შეგახსენებთ, რომ ბელგიელი ექს-ფეხბურთელი მანჩესტერ სიტიში პეპ გვარდიოლას მწვრთნელობის პერიოდში ასპარეზობდა. კარიერის დასრულების შემდეგ კი სამწვრთნელო საქმიანობა გააგრძელა.
"ჩემს კარიერასა და მწვრთნელის რანგში განვითარებაზე პეპ გვარდიოლამ დიდი ზეგავლენა იქონია. ესპანელი ახლა პრემიერ ლიგის მწვერვალზე დაბრუნებითაა დაკავებული.
ჩვენ რეგულარულად ვკონტაქტობთ და მასთან შესანიშნავი ურთიერთობა მაქვს", - ვენსან კომპანის სიტყვებს ავრცელებს მიუნხენის ბაიერნის X-ის ოფიციალური გვერდი.