ტომას ტუხელი მიუნხენის ბაიერნში დარჩენისთვის მზადაა

ტომას ტუხელის მიუნხენის ბაიერნში დარჩენის საკითხი აქტუალური გახდა. მას შემდეგ რაც რეკორდმაისტერის მესვეურებმა ამ უკანასკნელის შემცვლელი ვერ ნახეს ისევ ტომას ტუხელთან თანამშრომლობა გადაწყვიტეს.

Bayern & Germany-ს ტვიტერზე გავრცელებული ინფორმაციის თანახმად სპორტული დირექტორები მაქს ებერლი და კრისტოფ ფროიდი გერმანელი სპეციალისტის დარჩენის მომხრეები არიან და ტომას ტუხელთან სამომავლო თანამშრომლობის შესახებ მოლაპარაკებებს აწარმოებენ.

აღსანიშნავია, რომ რეკორდმაისტერის მესვეურების გადაწყვეტილებაზე გუნდის წამყვანი ფეხბურთელების ინიციატივამ იმოქმედა. თავად ტომას ტუხელი მზადაა მიუნხენის ბაიერნის მთავარი მწვრთნელის პოსტზე დარჩეს.

Bayern & Germany გვატყობინებს, რომ აღნიშნული სურვილი გერმანელმა სპეციალისტმა რამდენიმე ფეხბურთელს უთხრა. წყაროს ინფორმაციით ტომას ტუხელი დარჩენის მთავარ პირობას აყენებს, რაც კლუბის ხელმძღვანელობის მხრიდან სრულ მხარდაჭერას გულისხმობს.