რობერტო დე ძერბი ბაიერნის ერთადერთი ვარიანტია

რობერტო დე ძერბი მიუნხენის ბაიერნისთვის ერთადერთ ვარიანტად დარჩა. მას შემდეგ, რაც ტომას ტუხელმა თანამშრომლობაზე უარი განაცხადა და წასვლა დააანონსა რეკორდმაისტერს მეტი ვარიანტი აღარ დარჩა.

ცნობილი სპორტული გერმანული გამოცემა Bild-ის ინფორმაციით მიუნხენის ბაიერნის სპორტული დირექტორი მაქს ებერლი რობერტო დე ძერბის ვარიანტს ემხრობა. აღსანიშნავია, რომ ებერლი უკვე შეხვდა ბრაიტონის მთავარ მწვრთნელს.

შეგახსენებთ, რომ რეკორდმაისტერის სამეთვალყურეო საბჭო ორშაბათს ზუსტად იტალიელი სპეციალისტის კანდიდატურას განიხილავდა. Bild წერს, რომ სხვა ალტერნატივა არც დასახელებულა.

ცნობისთვის ორშაბათს გამართულ შეხვედრაზე ასევე გადაწყდა, რომ მიუნხენის ბაიერნის მთავარი მწვრთნელის პოსტს ჰანსი ფლიკი არ დაუბრუნდება.