ფლორიან ვირცს გადაწყვეტილება არ მიუღია
ფლორიან ვირცით რამდენიმე ევროპული გრანდია დაინტერესებული, თუმცა 22 წლის გერმანელ შემტევს ამ დრომდე არ მოუღია გადაწყვეტილება. ცნობილი სპორტული პორტალის Kicker-ის ინფორმაციით ფარმაცევტების ვუნდერკინდი ამ დრომდე ფიქრობს გადაწყვეტილებაზე.
Kicker ირწმუნება, რომ ფლორიან ვირცს თანხმობა დაინტერესებული კლუბებიდან ჯერ-ჯერობით არცერთისთვის უთქვამს. 22 წლის გერმანელისთვის ბრძოლას განაგრძობენ მანჩესტერ სიტი, მიუნხენის ბაიერნი და ლივერპული.
ფლორიან ვირცი ინგლისშიც იმყოფებოდა, სადაც მანჩესტერ სიტისა და ლივერპულის წარმომადგენლებსაც შეხვდა. მიუხედავად ამისა Kicker-ი წერს, რომ 22 წლის შემტევმა წინადადებები მოისმინა, თუმცა პასუხი არცერთისთვის უთქვამს.
Kicker-ის ინფორმაციით დიდი შანსია იმის, რომ ფლორიან ვირცი ინგლისური კლუბებიდან ერთ-ერთში გადავიდეს.
ლევერკუზენის ბაიერი თავის მხრივ ცდილობს 22 წლის შემტევის სატრანსფერო უფლებების სანაცვლოდ დაახლოებით 150 მილიონი ევრო გამოიმუშავოს. აგრეთვე ცნობილია, რომ ფარმაცევტებს გუნდის საკვანძო ფეხბურთელის რეკორდმაისტერში გაშვება არ სურთ.