ლეონ გორეცკა: ჩვენ დავბრუნდებით

ლეონ გორეცკა ჩემპიონთა ლიგის 1/2 ფინალური ეტაპის საპასუხო მატჩს ინსტაგრამზე გამოქვეყნებული პოსტით ეხმიანება. გერმანელი ნახევარმცველი მიიჩნევს, რომ ფეხბურთმა ყველაზე სასტიკი მხარე დაანახა გულშემატკივრებს.

"როდესაც ალფონსო დევისმა გოლი გაიტანა, გულშემატკივრებს შემოგხედეთ, ვიგრძენი ენერგია და დარწმუნებული ვიყავი, რომ ფინალში გავიდოდით. შემდეგ ყველაფერი შეიცვალა. ფეხბურთმა ყველაზე სასტიკი მხარე დაგვანახა იმ ღამეს.

თქვენი მხარდაჭერა დიდებული იყო! დიდი მადლობა თქვენ. ჩვენ დავბრუნდებით", - წერს ლეონ გორეცკა ინსტაგრამზე.