სვენ ულრაიხი: მანუელ ნოიერი ისტორიაში ყველაზე დიდებული მეკარეა

სვენ ულრაიხი ცნობილ გერმანულ სპორტულ პორტალ abendzeitung-თან ინტერვიუში რეკორდმაისტერისა და გერმანიის ეროვნული ნაკრების გოლკიპერზე, მანუელ ნოიერზე, საუბრობს.

"უკვე ვუთხარი ჩემს მეგობრებსა და ახლობლებს: არ მესმის რატომ აკრიტიკებენ გერმანიაში მანუელ ნოიერს. ის ყველა დროის ყველაზე საუკეთესო მეკარეა. სხვა ქვეყნებში მის მიერ მოგერიებული ბურთი გარჩევის საგანი არ გახდებოდა.

მანუელმა მეკარის თამაში მთელს მსოფლიოში ახალ დონეზე აიყვანა. სწორედ ამიტომ არის ეს საუბრები ჩემთვის გაუგებარი.

ნოიერი ტურნირზე დიდებულად ასპარეზობს, უნგრეთის წინააღმდეგ შესანიშნავი ბურთი მოიგერია, გრანიტ ჯაკასაც კარგი ბურთი აუღო. ის ყველაფერს უმაღლეს დონეზე აკეთებს და ამისთვის მანუელი უნდა დავაფასოთ. გაგვიმართლა, რომ კარს ასეთი მეკარე იცავს", - ამბობს სვენ ულრაიხი.